រថយន្តកុងតឺន័របើកបុកម៉ូតូកិនបុរសម្នាក់បែកក្បាលស្លាប់ក្នុងថ្លុកឈាម

0

 

 

ភ្នំពេញ: បុរសម្នាក់បែកក្បាលស្លាប់នៅក្នុងថ្លុកឈាមយ៉ាងអាណោចអាធ័ម​ ខណៈ​ដែល​ជិះម៉ូតូមួយគ្រឿងត្រូវរថយន្តកុងតឺន័រមួយគ្រឿងមិនចាំស្លាកលេខបើកបុកពីក្រោយកិនពេញទំហឹង រត់បើកគេចខ្លួនបាត់ស្រមោល។

ហេតុការណ៍​នេះកើតឡើងកាលពីវេលាម៉ោង១១ និង ៤៥នាទីយប់ថ្ងៃទី ៥ ខែមករាឆ្នាំ ២០២០ស្ថិត នៅតាមបណ្ដោយផ្លូវមហាវិថីវិមានឈ្នះ ឈ្នះ កែងនឹងផ្លូវរថភ្លើងក្នុងភូមិ ចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។

សពជនរងគ្រោះមិនស្គាល់អត្តសញ្ញាណនៅឡើយយនោះទេ។

តាមប្រភពព័ត៌មានពីកន្លែងកើតហេតុបានឲ្យដឹងថា​ មុនកើតហេតុគេឃើញបុរសម្នាក់ជិះម៉ូតូម៉ាកគុបជ្រុងពណ៌ស្លែមួយគ្រឿងពាក់ស្លាកលេខភ្នំពេញ1L-0943ធ្វើដំណើរទិសដៅពីត្បូងទៅជើង។ លុះមកដល់ចំណុចកើតហេតុខាងលើក៏មានរថយន្តកុងតឺន័រមួយគ្រឿងមិនចាំស្លាកលេខធ្វើដំណើរដើរមកពីក្រោយបុកម៉ូតូជនរងគ្រោះបណ្ដាលឲ្យដួលបោកទៅនឹងថ្នល់រួចកិនបែកក្បាលស្លាប់ភ្លាមនៅនឹងកន្លែងកើតហេតុយ៉ាងអាណោចអាធ័ម។បន្ទាប់មករថយន្តបង្កបានបើករត់គេចខ្លួនពីកន្លែងកើតហេតុបាត់ស្រមោល។

ក្រោយកើតហេតុ​កម្លាំង​នគរបាល​មូលដ្ឋានបានចុះមកដល់បានទំនាក់ទំនងទៅជំនាញចុះមកធ្វើការវាស់វែងយកម៉ូតូជនរកគ្រោះទៅរក្សាទុកបណ្ដោះអាសន្នរង់ចាំប្រគល់ជូនសាច់ញាតិវិញ។ដោយឡែកសពជនរងគ្រោះសមត្ថកិច្ចធ្វើការស្រាវជ្រាវរកសាច់ញាតិមកទទួលយកទៅធ្វើបុណ្យតាមប្រពៃណី៕៩៧

 

LEAVE A REPLY

Please enter your comment!
Please enter your name here