បុរសចិន២នាក់ ត្រូវនគរបាលចាប់ខ្លួនព្រោះ ធ្វើឲ្យឆេះផ្ទះប្រជាពលរដ្ឋចំនួន៣ ខ្នង

0

 

 

(ភ្នំពេញ) ៖​ ជនជាតិចិន២នាក់ត្រូវបានកម្លាំងសមត្ថកិច្ចនគរបាលខណ្ឌបឹងកេងកងធ្វើការឃាត់ខ្លួនក្រោយពីបង្កឱ្យមានអគ្គិភ័យឆាបឆេះផ្ទះប្រជាពលរដ្ឋអស់ចំនួន៣ខ្នង ដោយមានពាក្យបណ្ដឹងពី ម្ចាស់ផ្ទះចំនួន៣។

គួបញ្ជាក់ថា កាល​ពី​វេលា​ម៉ោង​២នឹង៥០ នាទី រសៀល​ ថ្ងៃ​ទី​៥ខែមករា​ ឆ្នាំ​២០២០ នៅចំនុចហាងកាត់សក់ជនជាតិចិន​ យី ហោ​ (រចនាបថអន្តរជាតិ​)​ មានទីតាំង​នៅ តាម​បណ្ដោយ​មហាវិថី​ព្រះមុនីវង្ស​  ផ្ទះលេខ៥៣៩ ក្រុម១ ភូមិ១ សង្កាត់​បឹងកេងកង២ ខណ្ឌបឹងកេងកង នៅ​ក្រោយ​នឹង​  ប៉ុស្តិ៍​នគរបាល​បឹង​កេងកង​២។

តាមប្រភពព័ត៌ពី​ពលរដ្ឋ​​បាន​ប្រាប់​ឲ្យដឹង​ថា​ នៅ មុនពេលកើតហេតុ គេមានផ្សែងហុយពេញផ្ទះម្ចាស់ផ្ទះជួលឈ្មោះ ZHAO JI KUI អាយុ៣០ឆ្នាំជនជាតិចិនស្នាក់នៅផ្ទះកើតហេតុខាងលើ ផ្ទះបង ប្អូនប្រជាពលរដ្ធខ្មែរជួលទៅអោយជនជាតិចិនស្នាក់នៅ ជាប្រភេទផ្ទះ​ថ្ម​ លាយឈេី​ ប្រក់ស័ង្កសី​​ ។

បើតាមសម្ដីជនជាតិចិនដែលស្នាក់នៅជាមួយគ្នាបានបង្ហើបប្រាប់ឲ្យដឹងថា មូល​ហេតុ​ដែល​បង្ក​ឲ្យ​អណ្តាត​ភ្លេីង​ឆាបឆេះ​ឡេីងនោះ​គឺ​ដោយសារ​ជនជាតិ​ចិន​ដែល​ស្នាក់នៅនោះ​ ចម្អិនម្ហូប​ទុក​ចោល​ខ្វះ​ការ​ប្រុងប្រយ័ត្ន​ក៏​បណ្ដាល​កេីត​មាន​ជា​អណ្តាត​ភ្លេីង​ឆាបឆេះ​ឡេីង​តែ​ម្តង​  ផ្អើល​អស់​ប្រជាពលរដ្ឋ​ស្នាក់នៅ​ជិតកន្លែង​កើតហេតុ​ភ័យ​ស្លន់​ស្លោ​រ​នាំ​គ្នា​រេី​ឥវ៉ាន់​រត់​ចេញ​ពី​កន្លែង​ហេតុ​ទាំង​ភ័យ​តក់​ស្លុតព្រលឹងចុងសក់គ្រប់គ្នា​ ភ្លាមៗ​បន្ទាប់​ពី​កេីត​ហេតុ​  សមត្ថកិច្ច​មូលដ្ឋាន​នឹង​ប្រជាពល រដ្ឋ​ក៏ព្យាយាម​យក​ពំពង់ពន្លត់​អគ្គីភ័យ​បាញ់​ពន្លត់​អស់​ជាច្រើន​បំពង់​​ នឹងបានទាក់ទង​ហៅខាង​រថយន្ត​ពន្លត់​អគ្គីភ័យ​  មកអន្តរាគមន៏​បាញ់​ពន្លត់​ភ្លាមៗ​អស់ជាច្រេីនគ្រឿង​ទេីបភ្លេីង​រលត់​ទៅ​វិញ​ ។  នឹងបណ្តាល​អោយ​ផ្ទះ​ចំនួន​១ខ្នង ត្រូវ​អគ្គីភ័យ​លេប​ត្របាក់​ខូចខាត​ស្ទេី​រតែទាំង​ស្រុង​។

ក្រោយមកម្ចាស់ផ្ទះគេចំនួនបីក៏បានដាក់ពាក្យបណ្ដឹងនៅប៉ុស្តិ៍ក្របាលបន្តិចកងទី២ ចំពោះជនជាតិចិនដែលបង្កឱ្យមានអគ្គិភ័យឆាប់ឆេះដល់ផ្ទះរបស់គាត់ សរុបជាទឹកប្រាក់ជិត ៥ម៉ឺនដុល្លារ ដោយ សារ តែជនជាតិចិនជាអ្នកបង្ករ មិនមានលទ្ធភាពសងជាសំណងទៅខាងម្ចាស់ ផ្ទះសមត្ថកិច្ចខណ្ឌបឹងកេងកងនិងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕ ដោយ ៖ ផានិត

 

LEAVE A REPLY

Please enter your comment!
Please enter your name here